NOVA TAREFA / MAPA CONCEPTUAL

 

No menú superior figuran as instrucións para a elaboración da tarefa de edición dun MAPA CONCEPTUAL. A data de entrega é o 17 de decembro.

TAREFA RECUPERACIÓN

A través do seguinte enlace as persoas que non superaron a proba de contidos realizada a semana pasada poderán optar pola realización dunha tarefa alternativa. Deberedes escoller unha das dúas opcións que se ofrecen no seguinte documento

Elixe unha das seguintes tarefas.

Tarefa 1. A XENEALOXÍA DA NOSA ESPECIE. Utiliza o panel de abaixo como referencia para editar unha presentación de diapostivas que sirva como apoio para a túa exposición oral. Debe ser visualmente atractiva e, no entanto, recoller toda a información estritamente básica.

Tarefa 2. SOCIALIZACIÓN INADVERTIDA: OS ESTEREOTIPOS. Elixe 2 imaxes publicitarias da seguinte presentación, obsérvaas detidamente, descríbeas con detalle e interpreta a súa mensaxe explícita ou encuberta poñendoa en relación co título da tarefa.

CONVERSA CO POETA E DESEÑADOR PEDRO LARA

A pesar de todas as circunstancias desfavorable, todas técnicas, puidemos tirar adiante, malia todo, o primeiro ciclo de conversas co poeta e deseñador madrileño Pedro Lara, con quen tivemos xa o curso pasado unha excelente e produtiva experiencia.

Esta primeira charla distentida foi o complemento dunha actividade mensual consistente na redacción dun ensaio orixinal arredor dun tema. E este mes foi A LOUCURA o lema que serviu de nexo para a lectura pública na aula das producións persoais nas súas variadas acepcións e manifestacións. Neste senso, o contacto cunha persoa, sensible, culta e cunha longa experiencia de sufrimento e empoderamento, ten unhas grandes posibilidades educativas para achegármonos a unha nova conceptualización deste tipo de trastornos psicoemocionais, esvaer os estereotipos e estigmas psicosociais asociados, os seus posibles factores desencadeantes (estresores), os modos diferentes de terapia, o descubrimento de nichos profesionais moitas veces invisibles que fan posible o renacemento psíquico das persoas e a súa integración laboral e social... e a problemática do acoso escolar, ámbito no que Pedro é un activista.

Imos continuar co visionado dunha reportaxe televisiva ESO NO SE PREGUNTA, adicado á ENFERMIDADE MENTAL, moi interesante como prólogo á segunda sesión.

ENSAIOS

 

Mensualmente deberedes elaborar unha redacción persoal sobre os temas ou pistas temáticas que se relacionan máis abaixo. Penso que a mellor maneira de achegarse á filosofía é tomando contacto coa historia do pensamento (occidental) en pequenas doses, claro está, pero tamén exercitando o voso pensamento crítico e a vosa redacción. Hai lugar, como non, para o humor, a ironía e incluso a sátira. Non vos cortedes, expresade as vosas reflexións con sinceridade e valentía, mais, iso si, procurando falcelo con respecto. Esta é a norma fundamental deste xogo compartido. Digo compartido porque as vosas creacións serán lidas diante do grupo e tamén valoradas en función duns criterios mínimos que se recollen nunha táboa que se engade tamén a continuación.

Formato de entrega:

• Os textos deberán ser editados en formato dixital e gardados nunha carpeta persoal.
• O tamaño de letra non pode ser superior a 12 ppp
• Para a lectura pública deberán ser impresos e entregados posteriormente ao profesorado.

ENSAIO PREMIO LITERARIO 25 N 

Como ben sabedes, o 25N é unha data onde se tenta sensibilizar e visibilizar un problema de fonda significación social, moral, e política. As cifras de vítimas de violencia seguen a medrar a pesar da persistente loita pola igualdade que as mulleres están a protagonizar nas últimas décadas. Hai datos para a alegría que perviven con outros para a desesperanza. A cuestión ten moitos matices e implicacións que dificultan a súa comprensión e que fan difícil a erradicación da violencia e do machismo que a sostén.

Como modo de chamar a atención sobre este problema e tratar de averiguar cales son as súas causas, as ideas sobre as que se sostén, as persoas ou institucións que a perpetúan, as implicadas, as responsables, as prexudicadas ou, por contra, beneficiadas... convócovos a reflexionar e escribir con toda liberdade. Tenta expresar a túa singular visión sobre este tema ou sobre algún aspecto relacionado con el. Escoitarémolo con moito interese e se resultas seleccionado poderás optar á fase final e, por tanto, ao I Premio Literario convocado polo Equipo de Dinamización Lingüística e o Equipo de Biblioteca do noso centro. Adiante.

Criterios para a súa avaliación:

CONTIDO	1 ou 0
A composición resultou interesante para a audiencia e foi orixinal.
Tivo profundidade psicolóxica ou humor intelixente.
A exposición foi clara e sigueu unha orde lóxica. (presentación, tratamento, peche)
LINGUAXE
Usouse unha linguaxe correcta e clara.
O volumen de voz foi o adecuado.
A velocidade foi adecuada.
Os xestos e a postura corporal foron os adecuados.
Estableceuse contacto visual coa audiencia.
Usáronse apoios gráficos durante a exposición.
usáronse recursos para chamar la atención da audiencia (cambios de ton, preguntas, repeticións…)
PUNTUACIÓN TOTAL

QUE COUSA É FILOSOFÍA

 

Reflexiona e responde as seguintes cuestión:

1. Cal é a orixe etimolóxica da palabra “filosofía” e que significa a aspiración á sabedoría que implica?
2. Que é un sofista e cal é a diferenza a respecto do filósofo/a?
3.  Por que a filosofía é unha actividade inconformista?
4. É suficiente a conciencia da ignoranica como condición do filósofo/a? Que lle fai falta ademais.
5.  Na admiración o ser humano sáese do tempo. Que quere dicir isto?
6.  A admiración que caracteriza á filosofía para que serve? Que busca e para que?

Podes descargar o cuestionario en pdf

BENVIDA

 Este é o caderno de bitácora da materia de filosofía de primeiro de bacharelato. Aquí atoparedes todos os recursos necesarios para a consulta de información, enlaces para a descarga dos apuntamentos e instrucións para a realización das actividades e tarefas que faredes ao longo do curso. A pesares de que estamos nun momento extraño e difícil en moitos aspectos este tamén pode ser unha ocasión para aprender nun novo contexto, fóra da zona de confort na que nos prace estarmos instalados, que nos provocará preguntas de calado filosófico.

Será un pracer estar convosco durante este novo curso no que recuperamos as clases presenciais. Van ser un pouco raras, si, pero o importante é amosar unha actitude positiva e perseverante que nos axude a superar as dificultades que poidamos atopar. Contaredes, non o esquezades, coa miña modesta axuda.

Sede benvidos/as, pois.

Lois

CIENCIA E PSEUDOCIENCIA (OU CHARLATANERÍA)

 Dúas interesantes canles de youtubers interesados na divulgación da cultura científica e na crítica das pseudociencias. A gata de Schrödinger e Quantum Fracture.

ATALLOS COGNITIVOS / O PROBLEMA DA VERDADE

25 sesgos cognitivos con exemplos

 

O PROBLEMA DO COÑECEMENTO: REALIDADE E VERDADE

 

SENSACIÓN E PERCEPCIÓN

Cal é a diferenza entre a sensación e a percepción?

ATENCIÓN

PERCEPCIÓN E LINGUAXE

Artigo que menciona a relación entre o léxico e a percepción como instrumento de supervivencia
http://www.tendencias21.net/El-lenguaje-condiciona-parcialmente-la-percepcion-visual_a863.html

Percepción cultural del color

Nuestra percepción del color, para mayor confusión, esta teñida de nuestras convenciones culturales y geográficas. Por ejemplo, el Mar negro no es negro sino azul, pero obtuvo su nombre en épocas cuando los colores verde, azul y negro se describían con el mismo nombre. Esto no significa que esa gente no percibiera diferencias entre los colores, sino que simplemente no le daban ninguna relevancia a esa diferencias, porque quizás no precisaran distinguirlos. Uno le pone nombre a las cosas para las cuales hacer distingos es de vital importancia, y culturalmente parece ser que en la vida cotidiana, nombrar colores con precisión no fue nunca algo relevante, excepto para tintoreros y creadores de pigmentos.

Fonte (http://poderososcolores.blogspot.com.es/2010/04/blog-post_3247.html)

MEMORIA

percepción y memoria - M.G (Ka) por bamboowittering

EXTRASENSORIALIDADE-PERCEPCIÓN

PODER DO GRUPO-PERCEPCIÓN

A influencia do grupo social na percepción (experimento de Asch)

VIDEOACTIVIDADE NEUROPUBLICIDADE

VIDEOACTIVIDADE
Logo de ver con atención o seguinte vídeo reflexiona e contesta as seguintes cuestións:

1. De que depende a nosa decisión de compra?
2. Somos conscientes ou irracionais cando compramos?
3. A que se chama experiencia multisensorial e que ten que ver coa elección de consumo?
4. Teñen máis peso as emocións ou as informacións sobre os produtos?
5. Estás de acordo na utilización que fan dos coñecementos científicos (psicoloxía, neuroloxía...) os profesionais do marketing e as grandes empresas? Xustifica a resposta.

Documentos TV - Consumo: el imperio de los sentidos

• Documentos TV - Consumo: el imperio de los sentidos

A CONSTRUCIÓN SOCIAL DA REALIDADE

Psicópolis: O profesor de psicoloxía social Tomás Morais impartirá unha clase que os seus alumnos nunca esquecerán. A psicoloxía é unha mera escusa para expor algunhas ideas controvertidas sobre o funcionamento da nosa sociedade. O profesor, en interacción continua cos estudantes, despregará unha serie de estratexias que poñerán en dúbida o propio tecido da realidade. Psicópolis é como un fío de Ariadna que nos penetra no enrevesado labirinto do real.
Curtametraxe.

http://menteypsicologia.blogspot.com.es/2013/08/psicologia-social.html

Experimentos de PSICOLOXÍA SOCIAL. A VERDADE GRUPAL.

Unha película filosófica. DESAFÍO TOTAL, de Paul Verhoeven

Como preámbulo do tema que nos vai ocupar a continuación imos adicar dúas ou tres sesións ao visionado desta maxistral, aínda que violenta, película do director holandés Paul Verhoeven. Para min é unha das miñas favoritas, a pesar de que o protagonista sexa o musculoso Schwarzenegger e de que a longametraxe estea chea de escenas visualmente desagradables.

A cinta, basada nunha novela do escritor de ciencia ficción Philip K. Dick "Podemos recordalo por vostede ao por maior",  é unha declaración de intencións políticas, unha denuncia en toda regra do capitalismo, da súa codicia e do afán de manipular as conciencias a través do control dos medios, mais tamén unha lección de filosofía que fala dun tema clásico na historia da cultura e que trataron despois outras películas do xénero que non son máis que os precedentes dalgún capítulo de Black Mirror, por exemplo. A cuestión de fondo é a imposibilidade de distinguir a realidade da ficción, o soño da vixilia, como diría aló polo século XVII o filósofo racionalista francés, René Descartes.

FREUD, MARX, NIETZSCHE

 Sigmund Freud e a Psicoanálise.

Karl Marx, materialismo histórico, comunismo /VS/ Capitalismo

Nietzsche, a morte de Deus e o vitalismo

FERRAMENTAS PARA ATALLAR A DESINFORMACIÓN NA ERA DAS NOTICIAS FALSAS

 

 

A través desta charla impartida por Ángel Vizoso, profesor da Facultade de Ciencias da Comunicación da USC puidemos poñernos ao tanto dunha problemática que ten a ver con varias dimensións da construción e difusión da información que afectan á cidadanía contemporánea. O uso das noticias falsas ou da manipulación interesada da información ten unha longa historia suficientemente documentada e con intereses fundamentalmente políticos. Hoxe, en plena hora da instantaneidade da transmisión da información a través das redes sociais, o problema cobra unha tremenda actualidade e cómpre poñer ao alcance das persoas as ferramentas necesarias para defendérmonos contra as forzas ocultas que moven os fíos do noso coñecemento dos feitos.

O profesor fixo referencia tanto á características utilizadas por este tipo de desinformación para poder recoñecelas como ás circunstancias nas que se produce a súa instantánea transmisión. Tamén cómpre ter en conta os aspectos psicoemocionais, individuais e colectivos, que son o caldo de cultivo no que nace a crenza neste tipo de información ou desinformación. Neste sentido, cremos o que queremos crer, de tal modo que acabamos construíndo un mundo á medida dos nosos desexos e contra as nosas angustias, inseguridades e medos. As "burbullas de opinión" son un claro exemplo do que se fala.

Contra esta situación convén familiarizarse co uso de ferramentas de fat-cheking mediante as cales poidamos contrastar a información dende unha prudente actitude escéptica. Están á nosa disposición variadas webs especializadas na análise e verificación da información transmitida a través das redes sociais e aplicacións de análises de metadatos que poden complementar desde o punto de vista gráfico o material audiovisual que ilustra e apoia aparente obxectividade característica das fakes news.

Deixo aquí dous enlaces interesantes:

Fat checking

Metadatos de imaxes  

UNHA REFLEXIÓN SOBRE O FUTURO. EMMA AGRASAR

 

NON MÁIS MATILDAS / MULLERES CENTÍFICAS

 

FALAMOS CO FÍSICO ANTONIO RIVAS

Antonio Rivas é profesor de Física nun instituto de Santiago de Compostela e unha das súas paixóns é a astronáutica. Sabe moito da carreira espacial e sabe contalO ben, que iso é tamén un grao. Hoxe ofrecéuse gostoso a brindarnos cunha sesión de conversa virtual para falar precisamente de aventuras tecnocientíficas como a que nestes intres están a iniciar algúns países como China, por certo con grande éxito, ou que son retomadas logo do seu abandono durante décadas cun novo brío e alentadas por intereses públicos e privados nos que converxen axencias espaciais internacionais e corporacións privadas. Falamos neste último caso da colaboración entre a NASA e a empresa SpaceX do magnate Elon Musk (propietario de Tesla) que ten como referentes o Programa Artemisa, cuxo fin é a chegada da primeira muller á Lúa e o programa de probas de lanzamento de foguetes reutilizables , naves de carga e sistemas de transporte interplanetario que teñen como fin último a ambiciosa aventura da colonización de Marte (case nada).

As persoas adultas que temos na nosa memoria infantil as imaxes da aventura espacial norteamericana e que nutrimos a nosa imaxinación con literatura, cine e cómic de ciencia ficción que nos mostraban un futuro con robots, naves espaciais, coches voadores, teletransportación e outros kits tecnolóxicos semellantes non podemos evitar mirar cara ao futuro con certo escepticismo. Non cabe dúbida de que o aparello científico e tecnolóxico cambiou sensiblemente as nosas vidas. O lume no Paleolítico cambiou a forma de vida dos homininos. Hoxe os ordenadores están a influir dun xeito notable nas relacións sociais. E o futuro? Non cabe dúbida de que a sociedade futura estará tecnoloxicamente xestionada. Pero en que dirección?

Neste senso, os programas de investigación espacial que poden aportar ao ser humano como especie? Xa non se trata dos beneficios económicos dos que se pode aproveitar un grupo social ou un país. Foi a vista do planeta dende unha nave espacial, difundida a través dos media, a que contribuiu a desenvolver a conciencia planetaria; ese diminuto planeta azul entre a inmensidade dun espazo inabarcable e virxe. E foi a primeira pisada de Amstrong un grande paso para a Humanidade.

 

Do que se trata agora precisamente é de non esquecer esa arela, se é que de verdade foi o pulo que tirou dos avances e non a disputa polo poder simbólico bipolar entre EEUU e CCCP. Do que se trata agora é tamén de non perder as perspectiva e conxugar o futuro cun tempo composto entre os intereses privados das grandes corporacións e o interese común de imaxinar un mundo máis habitable e máis xusto. A clave de todo isto está quizais na pregunta: quen decide?