HÉCTOR-BALAM / FISURA

E seguimos nestes marabillosos martes estético-filosóficos. E desta vez non nos visitou un artista de fóra. Para que se o temos na aula? Héctor Lamas falounos das razóns que o levaron á creación, falou de música, de rimas, de amigos, de ilusións, do proxecto colectivo no que participa. E contestou ás preguntas que foron xurdindo nestes intres tan calmos e de tanto interese logo de facer o visionado desta peza que nos descobre a un novo artista da casa. Por sempre, Héctor.

MULLERES POLA PAZ.

Amira  Hass é unha xornalista israelí e xudía que escribe sobre os palestinos que viven nos campos de refuxiados, sobre as restricións ao movemento ou a importación de alimentos nos territorios palestinos e sobre os atacantes suicidas e as súas familias.

Enlace para a elaboración dunha tarefa voluntaria

Un día de setembro de 1997, tres mozos palestinos inmoláronse nunha concorrida rúa do centro de Xerusalén. No ataque kamikaze morreron cinco israelís, incluíndo tres nenas de 14 anos.  Elhanan era a nai dunha delas e a partir dese momento decidiu transformar a súa dor en activismo.

AMIRA HASS, UNHA ISRAELÍ ENTRE PALESTINOS

O medio para o que escribe  Amira é  Haaretz, trátase do xornal israelí máis liberal nun país que virou fortemente á dereita, onde quen non comulgan coa liña dominante de opinión sobre temas como a seguridade ou as colonias en terras palestinas son tachados de  antipatrióticos. Esta xornalista realiza reportaxes de denuncia social.

Noticias israelís para palestinos nas que mostra unha realidade que poucos se atreven a ver. Aínda que moitos israelís detéstana, e a pesar de que foi arrestada en varias ocasións,  Hass tamén é unha muller respectada por altos cargos políticos debido ao labor profesional que desempeña: non só conta as desgrazas que ocorren senón que as vive para poder contalas en primeira persoa.  Amira  Hass foi galardoada co premio UNESCO á Liberdade de Prensa.

NURIT PELED-ELHANAN E A UNIÓN DAS FAMILIAS AFRIXIDAS

Esta israelí creou o Foro de Familias  Afligidas, que agrupa a máis de 500 familias israelís, palestinas, xudías, musulmás, laicas e ortodoxas que cren que a represión non é unha resposta adecuada á violencia e loitan pola paz nos Territorios Palestinos.

A súa  inciciativa implica inculcar o respecto por todas as culturas e impedir que a dor polas mortes causadas por atentados convértase en razón de inimizade. Por iso, este grupo de pais e nais organizan seminarios e charlas para concienciar á poboación. Lograron crear incluso unha emisora de radio e un programa de televisión nos que contan historias reais vividas polos membros do Foro.

“Cremos que a maternidade, a paternidade e o desexo de salvar aos nenos que están vivos son os únicos denominadores comúns que van máis aló da nacionalidade, a raza e a relixión”, escribiu  Nurit no seu ensaio Os pais  afligidos pola paz.

HUMANO, TRANSHUMANO E POSTHUMANO

Velaquí algún recurso accesible na rede para que vos fagades unha idea básica dos problemas filosóficos que se están a plantexar no uso social das novas tecnoloxías. Este é tan só un deles.

Breve texto introdutorio

Artigo: Retos dun futuro posthumano

Este vídeo serve de introdución ás cuestións relacionadas co uso de técnicas xenéticas, médicas e informáticas que operan sobre a nosa herdanza biolóxica con consecuencias sobre o noso papel como especie dentro do Planeta e sobre as relacións tamén entre os seres humanos:

• Podemos alterar a evolución da vida e en xeral de todas as especies?
• Podemos modificar ao noso antollo os rasgos humanos?
• Quen teña poder de alterar a vida humana debe facelo?
• Cres que hai algún límite?
• Se puideramos volcar un cerebro humano nun sistema informático e volcalo nun ser artificial, podería seguir considerándose humano?.....
• A que responde o desexo humano desta transhumanidade?
• Que consecuencias podería ter a posthumanidade?

Deixo dous breves vídeos, un sobre o termo TRANSHUMANISMO e outro sobre POSTHUMANISMO, reflexión sobre a trama dun video xogo que plantexa interesantes preguntas.

HUMANISMO, TRANSHUMANISMO E POSTHUMANISMO

ENCONTRO CO EQUIPO TERAPÉUTICO DE MONTERROSO

Descubrir que tras as paredes do cárcere e dos ecos estereotipados que escoitamos a través dos medios se agochan seres humanos sensibles e intelixentes que, tras unha azarosa e autodestrutiva vida, deciden valentemente poñer rumbo ás súas vidas é unha das experiencias máis instrutivas e singularmente humanas que podemos disfrutar no eido escolar.
Nesta ocasión, xusto antes do remate do primeiro trimestre, persoas reclusas e funcionariado acompañante, o alumnado de primeiro de bacharelato e un reducido grupo de segundo ( Psicoloxía) asistiron a este encontro que se prolongou durante máis de dúas horas e cuxos protagonistas foron Emilio, Pedro, Bienve e Diego. A súa singular e emocionada testemuña foi complementada coa experiencia profesional do funcionariado acompañante. Esta actividade é, sen lugar a dúbidas, a que máis expectación crea e a que máis reflexións e emocións suscita.

ANA GESTO. PERFORMANCE EN OSLO (NORUEGA)

Performance by Ana Gesto Pao Festival 2019. Oslo ROM Kunst+Arkitektur Video by Margarida Paiva 29.11-01.12.2019

CALENDARIO DE TRABALLO

MÉRCORES, 11 de Decembro. 

cuestionario de contidos + proba de lectura crítica de imaxe.

MÉRCORES, 8 de Xaneiro.  

recollida de traballos de análise crítica de catálogos de xoguetaría.

VENRES, 24 de Xaneiro. 

recollida de traballos de lectura crítica de imaxe publicitaria.

A NOSA PERFORMANCE

AÍ ESTAMOS. SOMOS NÓS. OS NOSOS CORPOS EN ACCIÓN.

SLAM POETRY

OBRADOIRO DE PERFORMANCE. SEGUNDA SESIÓN

Nesta ocasión, en sesións de mañá e tarde, experimentamos cos elementos da acción performática (materiais, presenza, tempo, espazo, símbolo, contexto) a través de dinámicas interactivas e intercambio de ideas para írmonos preparando para a acción colectiva que desenvolveremos o vindeiro día 21 de novembro.

Galería de imaxes

Tamén vos deixo o enlace para acceder á galería de fotos do 
Concurso de relatos e concerto do Samaín.

AULA GALERÍA / MERCE ARES